Backstab!

Natapos na ang lahat, makakapagblog na ulit ako ng maayos dahil tapos na ang "preliminary exam" para sa ngayung "semester". Ayus lang naman, madami sana ako balak na ipost kagahapon pero hindi ko ito nagawa dahil marami ako inasikaso sa aking mahal na org at nag-aral nga ako sa Pilosopiya at Sosyolohiya. Naaasar ako sa sarili ko dahil hindi ko manlamang nabuksan ang aking PC kagabi. Pero ayus lang, dahil "hierarchy" pa rin saakin ang pag-aaral. Namiss ko na tuloy ang internet, ika nga sa ingles, "it's better than sex..."

Madami talaga ako gusto ikwento, pero sa sobrang dami, bumabara ito sa aking utak at ayaw lumabas... bumabara kaya talagang wala ako maisip na maikwento, haay. Kanina nga pala, napanuod ko na ang pelikulang "Click" ni Adam Sandler, maganda ito, sulit naman sa pagbayad sa sine. Hindi ko na ito ikekwento o magkikritik mala Enday, dahil sobrang ganda talaga, nakakatawa pero may kirot sa puso, alam mo yun? Basta panuorin ninyo nalamang. Grabe, kailangan ko na talagang makapagtipid ngayun, sobrang hindi ko na madebaydebay ang aking ekspenses, mas malala pa nga dahil ito ay nagdodoble doble pa! Hay, andami ko pa ininiintindi ngayun, sa isang salita ako'y "stress"

Stress, nako kailangan natin iwasan yan, lalo na sa ating mga lalaki, kasi alam ninyo ba na kapag istres ang isang lalaki, hindi siya nakakapagproduce ng spermcell... wala sa "quota" ika nga... Kailangan ko na siguro mag istres tabs, pero hindi ko na rin naman kailangan dahil unti-unti na nawawala ang aking mga ininiintindi, pero madami pa din... naalala ko tuloy nung ako'y semila pa lamang, nakipag racing ako nun grabe, ambilis ko pa lumangoy. May nakilala ako nun, pero wala pa kami pangalan sa loob, iba kasi ang tawagan dun... by number, ako si 4366622, siya naman si 779223... ganito ang aming pag-uusap habang nag-uunahan sa finish line:

4366622: Elo!

7779223: Hi.

4366622: Musta na?

7779223: Ayos lang!!! ikaw?

4366622: Eto....

7779223: Anong Eto??

4366622: Anyhoo...musta ka naman?

7779223: Kakasabi ko lang ah?

4366622: Ahh.. ganun ba.. ahihihi

7779223: Kulit mo!

4366622: Ui! Artista oh!!! Sa likod natin!

7779223: San?

4366622: Ulol! naunahan na kita! babay!

7779223: Grrrr!!!

...at yan ang istorya kung bakit ako nandito ngayun. Nanalo ako dahil ako'y mandaraya. Back biting, at pagbackstabbing, pansit eating mader happer... yan ang batas para maging "successful". Oo, kahit na sabihin ninyo na ito ay hindi "morally upright", pero nangyayari ito sa ating lipunan. Pansin ko lang tuwing tatanungin ang isang tao kung ano ang ayaw nila sa isang tao, ang sasabihin nila, "Backstabber", mandaraya , mga epal, o plastik. Pero hindi ninyo alam, nagagawa din natin ito, "subconscious" pa minsan. Pero wala lang iyan, napansin ko lang... ahihihihi, wala na kasi ako maisulat. at inaantok na din ako.