Anak sa labas.

Napansin ko na "Alternate" na ang aking pag-post sa "blog" na ito. Kasi naman kakaiba na talaga ang iskedyul ko sa panahong ito, pero "at least" diba, kahit papano nag-uupdate din naman. Madami akong karanasan na dapat ikwento kagabi, kayalang nga sa kasamaang palad, naunahan ako ng aking ate sa kompyuter at nag-internet siya magdamag, kaya ako, bilang nakakabatang kapatid... tiklop agad sa kanya.

Kahapon kasi ng umaga, bumaba ako sa Philcoa dahil nagmamadali na ako at malelate na ako. Sasakay nalang ako ng FX para mas mabilis, kumpara naman sa pagdaan ko pa sa Cubao at mag LRT. Sobrang desperado na ako sa paghahanap ng FX, at pag sinabing desperado, desperado talaga! Ayaw ko naman kasi sumakay sa dyip dahil baka mausukan ako, ayaw ko kasi mausukan... lalo na ng tambutso, o sigarilyo, pansin ko kasi sa uniporme ko kakaiba ang tela, konting dumi lang kapit na agad, eh ayaw ko naman magmukhang dugyot, kaya kailangan maging maingat ako. Haay, balik tayo sa istorya, dahil nga desperado ako, kahit na anong FX nalamang ang aking sinusubukang sakyan, kahit na masikip ayus lang. Meron isang "FX" ang pumara sa harap ko, may nakita akong taga-UST kaya naisip ko na dadaan ito sa UST. May bumabang pasahero, ako naman pumasok sa loob ng "FX"...

... At dito na nagsimula ang aking pighati, ang nasakyan ko palang "FX" ay for "family use only"... Magkakapatid pala ang mga taga-USTe doon, nanay nila ung nasa harap, at tatay nila ang nagdadrive, sabi pa ng isang taga UST... "Oh ano yan?? Anak sa labas?"... talagang hiyang hiya ako.... dali dali akong lumabas, at tumakbo sa malayo... huhu, napagkumpara ko ang itsura ng sasakyan nila sa isang "FX" may pagkakapareho nga pero may pagakakaiba din... talagang nakakahiya ang pangyayaring iyon, natrauma ata ako sa pagsakay ng ep-eks. May dumaan uli na ep-eks na walang laman, sinigurado ko talaga na sertipikadong ep-eks iyon at sumakay. At dahil sa pangyayaring iyon, nalate ako sa klase ng Pilosopiya.

-------

Nagbayad na din ako ng prelims fee ng araw na iyon. Sobrang haba ng pila, nakakapagod, pero ayus lang nagkaroon naman ng "UBE" ang aking mga kaklase ng panahong iyon... UBE meaning, "Ultimate Bonding Experience." ... para sa mga nagbabasa nito, sana magkaroon din tayo ng ube balang araw... hanggang dito nalamang... magaaral pa ako sa Principles of Management.