Rainy days and mondays, always makes me cry... :-(

Kaninang umaga, umuulan nanaman ng malakas, maaga palamang sinabihan na ako ng aking Ermats na magdala ng payong pero hindi ko siya sinunod, ewan ko ba kung bakit. Umiral nanaman ang aking pagka "Rebel with a cause". Sabi kasi niya na kapag naulanan ako magkakasipon daw ako, ang sabi ko naman, "It's not the rain, it's the virus" Umiinom naman ako ng Vit. C, at multivitamins. Kaya simula pa nung umulan hindi pa ako nagkakasipon o anumang trankaso. Ewan ko, yun na ang paniniwala ko, pero talagang tama palagi si Ermats, hindi nga ako nagkasipon o lagnat, mukha naman akong basang sisiw kanina. Nasira ang preparasyon at arkitektura ng aking buhok na pinaghirapan ko ayusin ng 15 min... Haay, sa susunod talaga magdadala na ako ng payong.

Wala nanaman nangyayari sa skool ngayun, absent ang propesora sa CWG, at nagalit saamin ang propesora sa ENG101, mabuti naman kahit papaano, umalis siya ng maaga. Late nanaman ang propesora sa Lit, pero ayus lang, nakuha ko na nga pala ang "college shirt" ko... ayus lang talaga ang "design" ang ayaw ko lang ay ang kulay, itim... magmumuka kaming papuntang "rock concert" mabuti sana kung may puti, o blue, basta't wag lang itim... pero wala na ako magagawa, itim na ang nanalo, at kailangan isuot kung hindi OP ako bukas para sa aming GA day.

Pwede ako magpuyat ngayun, dahil hindi naman ako maaga bukas, kaya sana marami mag pa mag online, akalain ninyong 9 ym windows, at 5 tabbed sites ang pinagsasabay sabay ko ngayun, kaya ganito ang pagsulat ko ngayun ng blog paiba-iba ng "topic". Habang tinitingnan ko ang blog ng ibang tao, ikinumpara ko yung kanila saakin, parang bulok ang blog ko kumpara sa kanila, kaya ako... "insecure" nanaman. Kaya nagpaplano ako ng bago para sa aking mumunting na blog... pero paunti unti lang ang pag babago, sabi kasi sa isang "test" orange dapat ang kulay ng aking blog, swerte din ito para saakin.

Habang sinusulat ko ito, nakakachat ko nga pala si Rina, tungkol sa mga lovelife, haay, ansarap talaga makipagkwentuhan ng lovelife kapag umuulan, bakit nga kaya? Ako'y may amats sa pag "reminisce" sa mga nakaraan at hinaharap, ang mga dilema ng pag-ibig, nga naman. Kung matatandaan ninyo, ang una kong post, sinabi ko na ipinanganak ako sa araw ng mga puso, pero hindi ibig sabihin na ako'y "successful" sa larangan ng pag-ibig. Hanggang ngayun, hindi ko pa rin siya nakikita... haaay, ewan ko lang, baka nakita ko na o naka-usap pero hindi ko lang pinansin. Ewan ko ba, marami ang nagsasabi na "manhid" daw ako, hindi nila alam ako'y nagmamanhidmanhidan lamang dahil ayaw ko masaktan... GRRR eto nanaman ang ka "MUSHYHAN" ko! Ayaw ko na ipagpatuloy, kung gusto ninyo malaman ang kwento ng buhay ko sa YM nalang para mas "intimate" tayo, basta't wag mo lang ako sabihan ng "lower, lower"